Nën drejtimin e Prefektit të Qarkut Durrës Z. Emiljan Jani njëkohësisht dhe Kryetari i Komitetit Rajonal Antitrafik u zhvillua sot më datë 31.10.2023 takimi në kuadër të mbylljes së aktiviteteve ndërgjegjësuese antitrafik të realizuara gjatë muajit tetor nga Institucionet shtetërore dhe organizatat partnere me qëllim parandalimin e këtij fenomeni.
Në këtë takim ishin të pranishëm të gjithë strukturat shtetërore dhe organizatat jo qeveritare anëtare pjesë e këtij komiteti, si dhe një grup nxënësish nga gjimnazi “Gjergj Kastrioti”.
Prefekti i Qarkut Durrës hapi takimin duke falenderuar të gjithë strukturat për angazhimin dhe përkushtimin e treguar gjatë aktiviteve të këtij muaji, përgëzoj ata për punën e mirë, angazhimin dhe impenjimin serioz të treguar në Luftën kundër Trafikimit të Qënieve Njerëzore duke nënvizuar që KRAT Durrës është një nga strukturat që dallohet për veprimtarinë dhe përformancën e saj dhe kjo sigurisht falë punës së përbashkët por mbi të gjitha falë bashkëpunimit shumë të mirë që ekziston midis nesh në koordinimin e veprimeve dhe aktiviteteve sipas planit të veprimit.
Gjatë takimit të pranishmit krijuan një tablo të situatës antitrafik në qark, analizuan problematikat e hasura si dhe informuan mbi aktivitetet e organizuara gjatë këtij muaji të cilat kanë përfshirë grupe të shumta interesi dhe janë shtrirë në të gjithë territorin e qarkut durrës.
Ndërsa nxënësit që ju bashkuan kësaj fushate me mbështetjen e World Vision prezantuan një draft projekt i cili do ti vij në ndihmë fëmijëvë në situatë rruge. Ky projekt u përkrah nga Prefekti i Qarkut i cili shprehu gadishmëri të plotë për të mbështëtur idetë e tyre për të edukuar dhe ndërgjegjësuar të rinjtë në luftën kundër trafikimit të qenieve njerëzore.
Gjithashtu në këtë takim nga Znj.Fabiola Egro Drejtuese e Rrjetit të Qëndrave për Zhvillim Komunitar “Sot për të Ardhmen” u bë një prezantim dhe një përshkrim i detajuar mbi startimin dhe funksionin e “Qendrës së Resiliencës” e cila ngrihet si rezultat i partneritetit ndërmjet Bashkisë Durrës, Ministrisë së Shëndetësisë dhe Mbrojtjes Sociale, USAID, UNDP. Kjo qënder do të funksionojë duke përfshirë në mënyrë proaktive komunitetin duke ofruar shërbimet e saj përmes koordinimit ndërsektorial permes alternativa të reja për integrim në përputhje me interesin me të larte të fëmijës dhe familjes e cila nga sot do të jetë pjesë e tryezës teknike me shërbimet që ofron në shërbim të viktimave të trafikimit.
Të pranishmit shprehën angazhimin e tyre të plotë për të punuar në partneritet dhe për të bërë të mundur mbarëvajtjen e punës së përbashkët.
![](https://scontent.ftia15-1.fna.fbcdn.net/v/t39.30808-6/398051681_744137931089037_3277658727835131607_n.jpg?stp=cp6_dst-jpg_s600x600&_nc_cat=104&ccb=1-7&_nc_sid=dd5e9f&_nc_ohc=dojN3b55hfcAX8raq6H&_nc_ht=scontent.ftia15-1.fna&oh=00_AfACLNu3fxwO3btVk_MahRVb1QKu1QOvRzGVzJgALFz0LQ&oe=65A08BAD)
![](https://scontent.ftia15-1.fna.fbcdn.net/v/t39.30808-6/398047830_744137937755703_1838256640999827448_n.jpg?stp=cp6_dst-jpg_s600x600&_nc_cat=104&ccb=1-7&_nc_sid=dd5e9f&_nc_ohc=01cbAO-ZeKsAX8YI5rz&_nc_ht=scontent.ftia15-1.fna&oh=00_AfCuFLPzpDiklKXGIB4RnhzxguXCFpWKqPaMD1OO3UA94g&oe=659FFA7B)
![](https://scontent.ftia15-1.fna.fbcdn.net/v/t39.30808-6/398223512_744137981089032_355655620933496417_n.jpg?stp=cp6_dst-jpg_s600x600&_nc_cat=100&ccb=1-7&_nc_sid=dd5e9f&_nc_ohc=OT0sySbDQQ8AX9pSrmt&_nc_ht=scontent.ftia15-1.fna&oh=00_AfDcB-3Ht76SOVcjVDWAk8jFsErxCecofAM9NTqbcSz59g&oe=65A1434F)