Takim Kortezie

March 15, 2019

Në datën 15/03/2019 Prefekti i Qarkut Durrës  Z. Roland Nasto  priti në një takim kortezie  komandantin e nëndetëses turke, TCG GÜR S-357 Kolonel Tahir Tan Ince në takim ishin të  pranishëm dhe Atasheu ushtarak i Republikës së Turqisë në Shqipëri Kolonel Şakir Cumhur Somer, përfaqësues të Shtabit të Forcës Detare të Shqipërisë, ushtarakë turq dhe shqiptarë.   Nëndetësja turke TCG GÜR S-357 ka mbërritur në Portin e Durrësit dt 14.03.2019 dhe do të qëndrojë e ankoruar në Durrës deri më dt 18.03.2019. Kjo vizitë vjen në kuadër të zhvillimit të mëtejshëm të bashkëpunimit midis Turqisë dhe Shqipërisë me synim thellimin e mardhënieve në fushën ushtarake mes dy vendeve në të ardhmen. 

Gjatë këtij takimi u diskutuar çështje që kanë të bëjnë me bashkëpunimin ushtarak si dhe miqësinë që ekziston midis popullit shqiptar dhe atij turk.  Prefekti i Qarkut pasi i shprehu mirëseardhjen në Durrës  ushtarakëve të kësaj nëndetëse, i njohu ata me vlerat dhe resurset e shumta që ofron Qarku i Durrësit në të gjitha fushat. Gjithashtu Prefekti  bëri edhe një paraqitje të shkurtër të vlerave të rralla historike, arkeologjike por edhe ushtarake që ka Qarku ynë.  Prefekti i Qarkut si dhe Komandanti i anijes turke TCG GÜR S-357 shkëmbyen edhe dhuratat e rastit.

Më pas komandanti dhe oficerët e tjerë  zhvilluan vizita në institucionet të qytetit, si  Bashkia Durrës dhe Këshilli i Qarkut.